"Qarabağ"ın rəqibinin 4 futbolçusu Xorvatiya millisinə çağırıldı

Çempionlar Liqasının pley-off mərhələsində "Qarabağ"ın rəqibi olan "Dinamo"nun futbolçuları milli komandaya dəvət alıb.

Presssport.az xəbər verir ki, Xorvatiya yığmasının baş məşqçisi Zlatko Daliç Zaqreb təmsilçisinin 4 futbolçusuna dəvət göndərib. 

Bunlar yarımmüdafiəçilər Marko Pyatsa, Petar Suçiç, Martin Baturina və hücumçu Bruno Petkoviçdi.

Xorvatiya UEFA Millətlər Liqası çərçivəsində sentyabrın 5-də səfərdə Portuqaliya, 3 gün sonra isə evdə Polşa ilə qarşılaşacaq.

Xatırladaq ki, "Qarabağ" "Dinamo" ilə ilk oyunu sabah Zaqrebdə keçirəcək. Komandaların cavab görüşü isə 28 avqust tarixində Bakıda baş tutacaq.