"Səbail" Premyer Liqada rekordunu təkrarlayıb

“Səbail” Azərbaycan çempionatlarında ən böyükhesablı qələbə rekordunu təkrarlayıb.

Presssport.a xəbər verir ki, bu, Premyer Liqanın IV turunun “Kəpəz”lə ev görüşündə gerçəkləşib.

Paytaxt təmsilçisi Gəncə klubunu 4 cavabsız qolla üstələyib.

Bununla da “Səbail” 8 illik tarixində 2-ci dəfə Premyer Liqa matçında 4 top fərqi ilə qalib gəlib. 2018-ci il noyabrın 10-da “Sabah”la qarşılaşmada da 4:0 hesabına sevinən “dənizçilər” həmin vaxt səfərdə qələbə qazanıb. Həmin nəticəni təkrarlayan “Səbail” evdə ən böyükhesablı qələbəsini rəsmiləşdirib.