Avarçəkənlərimiz Füzulidə 2 mükafat qazandı - medal sayımız 11-ə çatdı

Azərbaycanın daha 2 təmsilçisi akademik avarçəkmə, kayak və kanoe üzrə "Mingəçevir reqatası-2024” beynəlxalq turnirində medal qazanıb.

Presssport.az-ın Füzuliyə ezam olunmuş əməkdaşı xəbər verirki, Amil Ramazanov qızıl, Cavid Vəlizadə bürünc mükafata sahib çıxıb.

Onlar Aşağı Köndələnçay su anbarındakı yarışda medalçı olub.

Ramazanov 2006-2007 təvəllüdlü idmançıların mübarizəsində 200 metr məsafəyə kayakla mübarizədə 1-ci olub.

Vəlizadə isə 2008-2009 təvəllüdlü idmançılar arasında 200 metr məsafəyə kanoe yarışında 3-cü olub.

Xatırladaq ki, təmsilçilərimiz oktyabrın 18-də başa çatacaq reqatanın dünən Mingəçevirdə keçirilən mərhələsində 9 medala sahib çıxıb.