"Qəbələ"nin yeni transferi qol vurdu, Salah sevinməyə imkan vermədi

"Qəbələ"nin yeni transferi Klesio Bauk Mozambik millisində qol vurub. Presssport.az xəbər verir ki, hücumçu Afrika Millətlər Kubokunun B qrupunun ilk turunda Misirə qarşılaşmada fərqlənib. Belə ki, fasilədən dərhal sonra meydana çıxan Bauk 58-ci dəqiqədə komandasını hesabda 2:1 irəli çıxarıb. Amma "Liverpul"lu Mohammad Salah 90+7-ci dəqiqədə penaltidən fərqlənərək mozambiklilərin qələbəsinə imkan verməyib - 2:2. B qrupunda Qana və Kabo-Verde yığmaları da yer alıb. İkincilərdə "Qarabağ"ın yarımmüdafiəçisi Patrik Andrade çıxış edir. Xatırladaq ki, "Qəbələ" bu ay heyətinə qaytardığı Klesioyla 2,5 illik müqavilə imzalayıb.