Vüqar Nadirov "Hypers Guba"dan getdi - RƏSMİ

II Liqada mübarizə aparan "Hypers Guba"da baş məşqçi gedişi gerçəkləşib.

Presssport.az xəbər verir ki, bölgə təmsilçisi Vüqar Nadirovla yollarını ayırıb. 

Bu barədə klubun mətbuat xidməti məlumat yayıb.

37 yaşlı mütəxəssis öz istəyi ilə postunu tərk edib.

"Hypers Guba" II Liqada 9 turdan sonra 18 xal toplayaraq turnir cədvəlinin 4-cü pilləsində qərarlaşıb.

Xatırladaq ki, Nadirov “Hypers” hələ Qubaya köçməyəndə - Region Liqasında paytaxt təmsilçisi kimi çıxış edəndə onu II Liqaya çıxarıb.