"Şamaxı" qış fasiləsində xaricə gedəcək?

Bir illik fasilədən sonra Misli Premyer Liqasına qayıdan “Şamaxı” qış fasiləsində ölkə xaricinə təlim-məşq toplanışına yollanmayacaq.

Presssport.az xəbər verir ki, komandanın baş məşqçisi Ayxan Abbasov hazırlığı Azərbaycanda keçirməyi fikirləşdiklərini açıqlayıb: “Vaxtımız azdı. Fasilədən sonra isə ilk bizim oyun olacaq. Yanvarın 17-də “Qarabağ”la qarşılaşacağıq. Yəqin ki, qış təlim-məşq toplanışını Bakıda keçirəcəyik”.

Xatırladaq ki, Ayxan Abbasovun komandası yay hazırlığını da ölkə daxilində keçirmişdi.