Zöhrab Gözəlbəyli CEV kubokunun 1/8 final matçına təyinat alıb

Azərbaycan Voleybol Federasiyasının (AVF) Kommunikasiya şöbəsinin rəhbəri Zöhrab Gözəlbəyli beynəlxalq yarışa supervayzer təyin olunub.

Presssport.az AVF-nin mətbuat xidmətinə istinadə xəbər verir ki, qadın voleybolçular arasında CEV kubokunun 1/8 finalında “THY İstanbul" (Türkiyə) və “Mbh-Bekeşçaba" (Macarıstan) arasında cavab matçında hakimlərin işinə qiymət verəcək.

Dekabrın 10-da İstanbulda keçiriləcək oyunun hakimləri ingiltərəli Dominik Bieqaylo və bosniya və herseqovinalı Mirza Başiç olacaq.

Onu da bildirək ki, komandaların ilk görüşündə Türkiyə təmsilçisi 3:0 hesabı ilə qalib gəlib.