"Sabah"dan 15:0-lıq qələbə, Qarayevli "Kəpəz" də darmadağına sevindi

AFFA-nın bayrağı altında təşkil edilən U-15 Liqasında XVII turun oyunları keçirilib.

Presssport.az xəbər verir ki, “Sabah” 15 cavabsız qolla qalib gəlməklə diqqət çəkib.

Masazır təmsilçisi bunadək vahid lider olan “Qarabağ” bu tur xal itirdiyindən ona çata bilib və şərikli liderlik yaranıb. Belə ki, hər 2 komandanın 13 turdan sonra eyni - 34 xalı var. Ağdamlılar topların daha yaxşı fərqinə görə 1-ci pillədə qalıb.

Bu turda hesabına 3 xal yazan komandalardan bir də "Kəpəz" olub. Belə ki, baş məşqçi İlqar Hüseynov hələ də cəzalı olan, köməkçi məşqçi Rövşən Əhmədovun rəhbərliyi altında meydana çıxa gəncəlilər bu dəfə evdə “Səbail"i böyük hesabla məğlub edib - 4:1.  ”Kəpəz" yeganə qolu, oyunu inamla keçirən əsas qapıçısı Qüdrət Qarayev əvəzlənəndən sonra buraxıb. 

Bir oyunu ehtiyatda olan gəncəlilər 13 oyundan 20 xalla 9-ci pillədə gedir. Həmin matç “Qarabağ”la sabah Gəncədə keçiriləcək. 

AFFA U-15 Liqası, XV tur

“Kəpəz” – “Səbail” – 4:1

Ömər Məmmədov, 13, 80. Səccad Quliyev, 24. Fərda Məmmədzadə, 46 - Nizami Hüseynli, 68

EFA – “Neftçi” – 1:1

Rizvan Ağasənov, 22 - Rəşad Şirməmmədli, 21

“Sumqayıt” – “Turan Tovuz” – 4:0

Ömər Kosayev, 9. Mirzə Məmmədli, 54. Ömər Teyublu, 58. Amin Cəlilov, 62

“Sabah” – “Dinamo” (Baku) – 15:0

Nihad Cəbiyev, 13. Ayxan İbadov, 40. Xəzər Hüseynzadə, 43, 76. Ruslan Əbilov, 48, 57, 60, 68, 75. Abbas Məmmədli, 53. Əbubəkir Abdullayev, 62. Nizami Nəbiyev, 66, 80. Kənan Əliyev, 71 (pen.). Cəfər Cəfərzadə, 78

“Asta” – “Qarabağ” – 2:2

Babək Hüseynli, 14. Emin Məmmədov, 40 - Murad Ismailov, 73. Davud Abdullayev, 77

“Şamaxı” – “Zirə” – 0:3

Süleyman Babasoy, 16. Vüqar Mustafayev, 38 (pen.). Nurhan Hənifəyev, 77

“Vətən” – “Metak” – 1:0

Turan Bəndəliyev, 13