FİFA 2030 və 2034-cü illərdə dünya çempionatlarının keçiriləcəyi ölkələri rəsmən təsdiqləyib

FİFA 2030 və 2034-cü illərdə dünya çempionatlarının keçiriləcəyi ölkələri rəsmən təsdiqləyib.

Presssport.az xəbər verir ki, bu barədə qərar dünya ali futbol qurumunun Növbədənkənar Konqresində qəbul edilib.

Əvvəlcədən məlum olduğu kimi, 2030-cu ildəki mundialın İspaniya, Portuqaliya, Mərakeş, Argentina, Paraqvay və Uruqvayda keçirilməsi rəsmiləşib. Bu yerdə bildirək ki, 2030-cu ildə mundiallar tarixinin 100 illlik yubileyi qeyd olunacaq. Bu səbəbdən ilk dəfə olaraq yarışa 6 ölkə ev sahibliyi edəcək.

2034-cü il dünya çempionatının isə Səudiyyə Ərəbistanında baş tutacağı dəqiqləşib. Asiya ölkəsində yay aylarındakı istini nəzərə alaraq, turnirin qışda təşkil olunması barədə qərar qəbul edilib.

Xatırladaq ki, 2026-cı ildə dünya çempionatı ABŞ, Kanada və Meksikada reallaşacaq.