“Qəbələ” I dövrəni zirvədə başa vurdu - qol buraxmayan tək komanda olaraq

Bu gün I Liqada IX tura yekun vurulub.

Presssport.az xəbər verir ki, ilk dövrənin son turunun 2-ci oyun günündə 3 matç keçirilib.

“Qəbələ” ev matçında hələ ilk hissədə 2 dəqiqəyə 2 qol vuraraq qazandığı inamlı qələbəylə liderliyini möhkəmləndirib. “Qırmızı-qaralıar”ın ən yaxın izləyiciləri “Karvan”la “İmişli”nin səfər görüşlərində xal itirmələri işinə yarayıb. 

Beləliklə, “Qəbələ” mövsümdə 7-ci qələbəsini qazanıb və ilk dövrədə qol buraxmayan tək komanda kimi 23 xalla 1-ci pillədə qərarlaşıb. İndi Kaxaber Sxadadzenin komandası 2-ci yerdə gedən Yevlax təmsilçisini 4, İmişlinin eyniadlı klubunu 6 xal qabaqlayır.

Onu da bildirək ki, X tura dekabrın 18-də start veriləcək. 

13 dekabr (cümə)

“Zaqatala” - “Karvan” - 2:2

Qollar: S.Abdullayev, 50, R.İsmayılov, 90+4 - pen. - P.Kings, 75, 88

“Mingəçevir” - “İmişli” - 0:0

“Qəbələ” - “Cəbrayıl” - 2:0

Qollar: S.Ələsgərov, 21, O.Oçoveçi, 23

Qırmızı vərəqə: Z.Abdurahmanov, 75 ("Cəbrayıl")