Dadaş Dadaşbəyli dünya çempionatında gümüş medal qazanıb

Azərbaycan ağırlıqqaldıranı Dadaş Dadaşbəyli Bəhreynin paytaxtı Manamada keçirilən dünya çempionatında gümüş medal qazanıb.

Presssport.az xəbər verir ki, 109 kq çəki dərəcəsində “körpücük” üzərinə çıxan atlet 183 kq-ı ram edib və bu hərəkətdə 4-cü olub.

O, təkanla qaldırma hərəkətində daha yaxşı çıxış edərək tarixi uğur əldə edib. 221 kq-ı başı üzərinə qaldıran Dadaşbəyli bu hərəkətdə mundialın gümüş medalına sahib çıxıb.

Təmsilçimiz toplam 404 kq (183+221) nəticə ilə yekun sıralamada 2-ci yeri turub.

Xatırladaq ki, Dadaşbəyli ötən il Səudiyyə Ərəbistanında keçirilən dünya çempionatında bürünc medal qazanmışdı.