"Neftçi" Tovuzdakı kubok matçına 6 itkiylə çıxacaq

"Neftçi" Azərbaycan Kubokunun 1/4 final mərhələsində qarşılaşacağı “Kəpəz”lə ilk oyunun hazırlığını başa vurub. 

Presssport.az xəbər verir ki, bu barədə Bakı klubunun mətbuat xidməti məlumat yayıb. 

"Ağ-qaralar"ın hələ də bərpa dövrü keçən futbolçuları – Rəhman Hacıyev, Rafael Quzzo və Dembo Darbo ilə yanaşı, Misli Premyer Liqasının keçən turunda “Şamaxı” ilə oyunda zədələnən Edvin Kuç və Andrey Ştoqrin, həmçinin səhhəti ilə əlaqədar Azər Əliyev də kubok görüşünü buraxacaq.

Xatırladaq ki, fevralın 5-də Tovuz şəhə stadionunda keçiriləcək “Kəpəz” – “Neftçi” oyunu saat 16:00-da başlanacaq.