"The Best": Mahmudov və de Byazi kimlərə səs veriblər?

Ötən gecə "The Best"in səsverməsində Azərbaycan millisinin kapitanı Emin Mamudov və millinin keçmiş baş məşqçisi Canni de Byazi də iştirak edib. Pressport.az xəbər verir ki, Mahmudov ilin ən yaxşı kişi futbolçusu nominasiyasında Erlinq Haalanda 5, Lionel Messiyə 3, Kevin de Brüyneyə 1 səs verib. De Byazi Erlinq Haalanda 5, Kilian Mbappeyə 3, Bernardo Silvaya 1 səs verib. Azərbaycanlı jurnalist Rasim Mövsumzadə isə Lionel Messiyə 5, Erlinq Haalanda 3, İlkay Gündoğana 1 səs verib. İlin ən yaxşı qapıçısı nominasiyası üzrə Mahmudov 5 xalı Tibo Kurtuaya, 3 xalı Andre Onanaya, 1 xalı Edersona ünvanlayıb. De Byazi Tibo Kurtuaya 5, Andre Onanaya 3, Yassin Bunuya 1 səs verib.