Şahmatçımız dünya çempionatında gümüş medala sahib çıxıb

Azərbaycan təmsilçisi Ayan Allahverdiyeva Monteneqroda keçirilən 20 yaşlı şahmatçılar arasında dünya çempionatında çıxışını başa vurub.

Presssport.az xəbər verir ki, qadın şahmatçımız sonuncu – XI turda Özbəkistan təmsilçisi Afruza Xamdamovayla heç-heçə oynayıb. 

Bununla xalını 8-ə çatdıran Allahverdiyeva dünya çempionatının gümüş medalına sahib çıxıb.

Onu da bildirək ki, mundialda 50 ölkədən 200-dən çox şahmatçı mübarizə aparıb.