Ayxan Abbasovun millimizdə debüt matçı uğurlu oldu - 16 aylıq həsrəti bitirdi

Antalyada təlim-məşq toplanışında olan 21 yaşadək futbolçulardan ibarət Azərbaycan milli komandası bu gün hazırlıq prosesi çərçivəsində ilk yoxlama oyununa çıxıb. 

Presssport.az xəbər verir ki, U-21 millimiz moldovalı həmyaşıdları ilə üz-üzə gəlib. 

"Cornelia” Futbol Mərkəzində təşkil olunan qarşılaşma yığmamızın artıq ilk hissədə vurduğu qolların sayəsində 2:0 hesablı qələbəsi ilə yekunlaşıb.

Bu, Ayxan Abbasovun U-21-in baş məşqçisi kimi debüt matçı olub.

Xatırladaq ki, U-21 yığmamız bundan əvvəlki son 9 oyundan 8-də uduzub, 1-də heç-heçə edib. Gənclər yığmamız sonuncu qələbəsini 2023-cü ilin noyabrın 17-də qazanmışdı. Həmin vaxt U-21 yığmamız Mərdəkanda latviyalı həmyaşıdlarını Camal Cəfərovun 32-ci dəqiqədə vurduğu qolla 1:0 hesabı ilə məğlub edib. 

Yoxlama oyunu

22 mart

21:00. Azərbaycan (U-21) - Moldova (U-21) - 2:0

Qollar: Oruc Məmmədov, 18, Sadiq Şəfiyev, 25