Ronaldo millidə ardıcıl 22 il qol vuran yeganə oyunçu kimi tarixə düşüb

Portuqaliya yığmasının kapitanı Kriştiano Ronaldo millidə ardıcıl 22 il qol vuran yeganə oyunçu kimi futbol tarixinə düşüb.

Presssport.az xəbər verir ki, 40 yaşlı hücumçu bunu ötən günUEFA Millətlər Liqasının 1/4 finalında Danimarkayla cavab matçında həyata keçirib.

Belə ki, Ronaldo görüşün 6 və 72-ci dəqiqələrində fərqlənib. 

Bununla Kriştiano karyerası ərzində vurduğu qolların sayını 929-a çatdırıb. O, millidə 136 dəfə fərqlənib.

Xatırladaq ki, əlavə vaxta qədər uzanan qarşılaşma Portuqaliya yığmasının 5:2 hesablı qələbəsi ilə yekunlaşıb və bununla da turnirin yarımfinalına vəsiqə qazanılıb.