Azərbaycan Kuboku: Tarixdə 2-ci dəfə ən titullu klublar ilk matçlarda bunu yaşadı

Azərbaycan Kuboku tarixində 2-ci dəfə yarımfinal mərhələsinin ilk oyunlarında turnirin iki ən titullu klubu məğlub olub.

Presssport.az Peşəkar Futbol Liqasının rəsmi saytına istinadən xəbər verir ki, sonuncu belə hal 2003/04 mövsümündə qeydə alınıb.

Həmin vaxt "Neftçi" səfərdə "Bakılı"ya 0:1, "Qarabağ" isə evdə "Şəmkir"ə 1:2 hesabı ilə uduzub.

Ötən gün isə Ağdam təmsilçisi səfərdə "Araz-Naxçıvan"a (0:1), "ağ-qaralar" evdə "Sabah"a (1:2) yenilib.

Xatırladaq ki, “Neftçi” 21-ci, “Qarabağ” 20-ci dəfə yarımfinaldadı.