"Övladım da autizmdən əziyyət çəkdiyindən bu gündə qol vurmağı çox istəyirdim" - "Neftçi"nin legioneri

“Bu görüşdə biz oyunöncəsi məşqə Ümumdünya Autizm haqqında Məlumatlandırma Günü münasibətilə xüsusi hazırlanmış formalarla çıxmışdıq. Bilirsiniz ki, bu, mənim üçün xüsusi bir haldır. Çünki övladım da autizmdən əziyyət çəkir”.

Presssport.az xəbər verir ki, bu sözləri “Neftçi”nin legioneri Yuri Matias deyib.

Azərbaycan Kubokunda “Sabah”la ilk yarımfinal matçında (1:2) fərlqənən braziliyalı müdafiəçi qoldan sonra xüsusi hazırlanmış formanı qaldırdı. Belə çıxır ki, qol vurmaq üçün əvvəlcədən xüsusi hazırlaşmışdı? Matiası dinləyək: “Bəli, emosional idim. Buna görə də qol vurmağı çox istəyirdim. Qol vurduqdan sonra formanı göstərməyim də bununla əlaqədardır. Onlar üçün vuruşurdum”.