Yeniyetmə cüdoçularımız Avropa Kubokunda 1-ci yeri tutdular

2-3 martda Türkiyənin Antalya şəhərində keçirilən yeniyetmələr arasında Avropa Kuboku turnirində Azərbaycan cüdoçuları 4 qızıl, 5 gümüş və 7 bürünc medal əldə edib.

Presssport.az xəbər verir ki, Azərbaycan yığması yarışda medal əyarına görə ümumi hesabda 1-ci yeri, qızlar və oğlanlar arasıında 2-ci yeri tutub.

Turnirin ilk gününündə cüdoçularımız 4 qızıl, 2 gümüş və 6 bürünc medal qazanıb.

Yarışın ikinci günündə oğlanlar arasında -81 kq. çəkidə Mehdi Abbasov və +90 kq. çəkidə Sübhan Axundov gümüş medal əldə ediblər.

Qızlar arasında isə -57 kq. çəkidə Aytən Verdiyeva gümüş medal, Nilgün Rzayeva bürünc medal qazanıblar.