Millimizin Avropa çempionatının seçmə mərhələsində rəqibləri bəlli oldu

Bu gün İsveçrənin Nyon şəhərində qadın futbolçulardan ibarət milli komandalar arasında Avropa çempionatının seçmə mərhələsinin püşkü atılıb.

Pressport.az xəbər verir ki, B liqasında yer alan Azərbaycan milli komandasının da rəqibləri müəyyənləşib.

Belə ki, millimiz B liqasının I qrupunda İsveçrə, Macarıstan və Türkiyə yığmaları ilə qarşılaşacaq.

Qeyd edək ki, seçmə mərhələnin oyunları bu ilin aprel-iyul ayları aralığında keçiriləcək. Turnirin final mərhələsi 2025-ci ildə İsveçrədə təşkil olunacaq.