"Göyəzən" qrup qalibliyini təmin etdi, pley-offa çıxdı

AFFA-nın keçirdiyi Region Liqasında Şimal və Şimal-Qərb zonasında qrup qalibi artıq müəyyənləşib.

Presssport.az xəbər verir ki, “Göyəzən” sona 1 tur qalmış 1-ci yeri təmin edərək pley-offa vəsiqə qazanıb.

Belə ki, Elxan Muradovun komandası son pillənin sahibi "Balakən"i evdə 6:1 hesabıyla darmadağın edərək bu mövsüm 12-ci qələbəsini qazanıb. Hazırda 31 xalı olan Qazax komandası ən yaxın izləyicisini 6 xal qabaqlayaraq, əlçatmaz olub. 

Üstəlik, onu da nəzərə alaq ki, “Göyəzən”in ehtiyatda 1 matçı da var. Belə ki, komanda bu həftəiçi "Ağstafa Gəncləri"ylə Qazaxda təxirə salınmış görüşə çıxacaq. Maraqlıdı ki, qazaxlıların qrupda həftəsonu son matçı da məhz bu rəqiblə evdə olacaq.