Güləşçilərimiz Antalyada 7 medal qazanıb

Türkiyənin Antalya şəhərində keçirilən yeniyetmə güləşçilər arasında "Zəfər kuboku"nun 2-ci günündə güləşçilərimiz 7 medal qazanıblar.

Presssport.az xəbər verir ki, sərbəst güləşdə Ruslan Əlizadə (48 kq), Hüseyn Hüseynov (55 kq) qızıl, Səid Paşayev (92 kq) gümüş medal qazanıblar. 

Yunan-Roma güləşində Əmrah Əmrahov (48 kq) gümüş, Əli Nəzərov (55 kq) bürünc, qadın güləşində Nəzrin Əhmədli (43 kq) və Esra Məmmədli (49 kq) bürünc medala sahib olublar.