Millimizin məşqində "Göy qurdlar"

Azərbaycan milli komandası “FIFA series – Edition 2024” çərçivəsində Monqolustan yığması ilə sabahkı oyunöncəsi son məşqini keçirib.

Presssport.az xəbər verir ki, Arif Əsədovun komandasının media üçün ilk 15 dəqiqəsi açıq olan məşqdə azarkeşlər də iştirak edib.

Bu, “Göy qurdlar” azarkeş qrupudu. Millimizin üzvləri məşqdən əvvəl onları salamlayıb. Azarkeşlər də öz növbəsində komandanı müxtəlif şüarlarla ruhlandırıb, dəstəklərini nümayiş etdirib.

Onu da bildirək ki, adıçəkilən azarkeş qrupu həm kişi, həm qadın futbol yığmamızı son oyunlarında mütəmadi stadiondan dəstəkləyir.