Cüdoçumuz "Böyük Dəbilqə"də gümüş medal qazanıb

Türkiyənin Antalya şəhərində keçirilən “Böyük Dəbilqə” turnirinin sonuncu yarış günündə 3 cüdoçumuz tatamiyə çıxıb.

Presssport.az xəbər verir ki, onlardan yalnız biri medalçı olub. 

73 kq çəki dərəcəsində tatami üzərinə çıxan Rəşid Məmmədəliyev uyğun ardıcıllıqla Mark Xristov (Bolqarıstan), Koen Heq (Hollandiya), Bayram Kandəmir (Türkiyə), Şahram Ahadov (Özbəkistan) və Umalta Dəmirəli (Türkiyə) məğlub edib. O, Moldova cüdoçusu Adil Osmanova uduzaraq gümüş mükafatçı olub. 

Digər cüdoçularımızdan Vüsal Qələndərzadə ilk görüşdə Keysey Nakanoya (Filippin) qalib gəlsə də, sonra Kiprianos Andreuya (Kipr) məğlub olub. Ömər Rəcəbli (81 kq) isə startda Joao Fernandoya (Portuqaliya) uduzub.

Qeyd edək ki, Azərbaycan cüdoçuları yarışın ilk günündə medal qazana bilməyiblər. Əhməd Yusifov (60 kq), Ruslan Paşayev və Rəşad Yelkiyev (hər ikisi 66 kq) uğursuz çıxış ediblər.