Millimizin kapitanı yenə Macarıstan çempionu oldu

Qadın voleybolçulardan ibarət millimizin kapitanı Ayşən Abduləzimova növbəti dəfə Macarıstan çempionu olub. 

Presssport.az xəbər verir ki, təcrübəli blokçumuzun komandası “Vasas” finalda KNRC-ni hər üç oyunda məğlub edərək qızıl medallara sahib çıxıb. 

Ayşən komandasına çempionluq gətirən son oyunda 12 xal (7 blok, 3 hücum, 2 ace) qazanıb.

Xatırladaq ki, Abduləzimova bu il həm də Macarıstan kubokunun qalibi olub.