Qadın voleybolçular arasında da Azərbaycan çempionu "Azərreyl" olub

Qadın voleybolçulardan ibarət Azərbaycan çempionatının qalibi müəyyənləşib.

Presssport.az xəbər verir ki, Bakı İdman Sarayında baş tutan final matçında "Azərreyl" və “Abşeron” üz-üzə gəlib.

Qarşılıqlı hücumlar şəraitində keçən matçda ilk set 25:13 "Azərreyl"in xeyrinə başa çatıb. Ardınca "Abşeron" seti qazanıb - 25:15. 

Lakin növbəti iki ardıcıl setdə 25:21 hesablı qələbə qazanan "Azərreyl" 3:1-lik nəticə ilə Azərbaycan çempionu olub.

Xatırladaq ki, dünən kişi voleybolçuların final qarşılaşmasında “Azərreyl” “Murov Az Terminal”a 3:2 hesabı ilə qalib gəlib.