Finalda təkrarlanan 6-cı cüt

Azərbaycan Kubokunun 2023/24 mövsümünün finalına yüksələn “Qarabağ” və “Zirə” 2-ci dəfə həlledici görüşdə üz-üzə gələcək. 

Presssport.az xəbər verir kİ, bu komandalar 2021/22 mövsümündə də finalda qarşılaşıblar.

Yarımfinalı adlayan bu iki klub kubokun finalında bir dəfədən artıq qarşılaşacaq 6-cı cütdü. İndiyədək 5 duel yenidən finalda təkrarlanıb.

Kubok mövsümünün son matçında “Neftçi” - “Qarabağ” cütü üç dəfə qeydə alınıb. “Neftçi” - “Şəmkir”, “Kəpəz”  - “Qarabağ”, “Xəzər Lənkəran” - “İnter”, “Neftçi” - “Qəbələ” matçları iki finala təsadüf edib.

Xatırladaq ki, “Qarabağ”la “Zirə” 2 il əvvəl Qəbələdə qarşılaşıbsa, budəfəki final Mərdəkanda olacaq. Onda ağdamlılar oyunsonrası penaltilər seriyasında (əsas və əlavə vaxt 1:1) qalib gəlmişdi.