"Bayer"dən yeni Avropa rekordu

“Bayer” daha bir rekorda imza atıb.

Presssport.az xəbər verir ki, Leverkuzen təmsilçisinin rekordu Avropa Liqasının yarımfinal mərhələsinin "Roma" ilə cavab matçında (2:2) qeydə alınıb.

Belə ki, Xabi Alonsonun komandası 90+7-ci dəqiqədə vurduğu qolla heç-heçə etməklə məğlubiyyətsiz oyunlar seriyasını 49-a çatdırıb.

Bu, Avropa rekordudu. Bundan əvvəl “Benfika” (Portuqaliya) 1963-65-ci illərdə ardıcıl 48 oyunda məğlub olmayıb.

Xatırladaq ki, “Qarabağ”la bu mövsüm Avroliqada həm qrupda, həm pley-offda rəqib olmuş “Bayer” son məğlubiyyətini keçən çempionatın sonuna yaxın alıb.