"Qarabağ"ın legioneri agentiylə yollarını ayırdı, təşəkkürünü çatdırdı

"Qarabağ"ın qapıçısı Andrey Lunyov agenti Anton Smirnov ilə əməkdaşlığa son qoyub.

Presssport.az xəbər verir ki, bunu 32 yaşlı futbolçu "Sport-Ekspress" nəşrinə açıqlayıb.

Rusiya millisinin üzvü həmçinin Moskva "Dinamo"sunun maraq dairəsinə düşməsi barədə də danışıb: "Gələcəyimlə bağlı çoxlu şayiələr gəzir. İstənilən qərarlar və şərhlər yalnız mövsüm bitdikdən sonra veriləcək. Eyni zamanda sabiq nümayəndəm Anton Smirnov ilə əməkdaşlığımızın sona çatmasını bildirmək istəyirəm. Ona 3 illik işi üçün ürəkdən təşəkkür edir, gələcək fəaliyyətində uğurlar arzulayıram".

Xatırladaq ki, ötən yay "Qarabağ"a keçən Lunyovun müqaviləsi bu mövsümün sonunda başa çatacaq.