"Beş ay sonra meydana çıxmaq məni həyəcanlandırdı" - Mahir Emreli

"Dinamo"nun və millimizin futbolçusu Mahir Emreli uzunmuddətli zədədən sonra ilk rəsmi matçında çıxıb.

Presssport.az xəbər verir ki, 27 yaşlı forvard Xorvatiya çempionatının "Slaven"lə səfər matçının 46-cı dəqiqəsində meydana daxil olub. Komandasının 3:2 hesablı qələbəsi ilə başa çatan oyundan sonra Mahir şəxsi “İnstagram” hesabında paylaşım edib: "Uzun müddətdən sonra oyuna çıxıb, qələbə qazanmaq çox xoş duyğulardır. Beş ay sonra meydana çıxmaq məni həyəcanlandırdı. İnanılmaz dəstəyiniz üçün hər kəsə öz təşəkkürümü bildirirəm".