Daha bir idmançımız dünya çempionu oldu

Azərbaycan paraatleti Orxan Aslanov Yaponiyanın Kobe şəhərində keçirilən dünya çempionatında T13 kateqoriyasında uzunluğa tullanma üzrə yarışda 7.18 metr nəticə ilə dünya çempionu olub.

Presssport.az xəbər verir ki, bu, paralimpiyaçımızın ilk dünya çempionluğudu.

Xatırladaq ki, iki gün əvvəl paraatletimiz Lamiyə Vəliyeva 100 metr məsafəyə qaçış üzrə yarışda Azərbaycan millisinə ilk qızıl medalı qazandırıb. Dünənsə Səid Nəcəfzadə uzunluğa tullanma üzrə yarışda eyni uğuru təkrarlayaraq fəxri kürsünün ən yüksək pilləsinə qalxıb.