Qadın güləşçimiz Avropa çempionatında bürünc medal qazanıb

Azərbaycanın qadın güləşçisi Ruzanna Məmmədova (59 kq) Bakıda keçirilən U-23 Avropa çempionatında bürünc medal qazanıb.

Presssport.az xəbər verir ki, təmsilçimiz 3-cü yer uğrunda görüşdə rumıniyalı Ana Mariya Puiuya qalib gəlib.

Digər güləşçilərimizdən Jalə Əliyeva (57 kq) və Elnurə Məmmədova (53 kq) final mərhələsində mübarizə aparacaq. Şəhanə Nəzərova (50 kq), Nigar Mirzəzadə (65 kq) və Mərziyyə Sadıqova (72 kq) isə yarışı mükafatsız başa vurub.