Emin Əmrullayev çempionu mükafatlandırdı

Azərbaycan Basketbol Liqasında (ABL) final seriyasının 4-cü oyunu çərçivəsində keçirilən "Sabah" - "Xəzri" (74:69) görüşünün ardından qalib komanda, 2-ci və 3-cü yerin sahibləri mükafatlandırılıb.

Presssport.az xəbər verir ki, 2023/24 mövsümünün qalibi olan “Sabah”a çempionluq kuboku və qızıl medalları Azərbaycan Basketbol Federasiyasının prezidenti Emin Əmrullayev təqdim edib. Final seriyasının ən dəyərli oyunçusu da (MVP) “Sabah”dan Şirzad Sirzadov seçilib

Həlledici görüşdə məğlub olan "Xəzri" komandası gümüş medal qazanıb. 3-cü yer uğrunda görüşdə "Xırdalan"ı üstələyən “NTD-İndiqo” isə bürünc medalla təltif edilib.