"Şah" mövsümə yekun vurdu: "Karyeramın ən çətin iki ili..."

Millimizin və "Adana Dəmirspor"un qapıçısı Şahruddin Məhəmmədəliyev “İnstagram”dakı hesabında paylaşım edib.

Presssport.az xəbər verir ki, 29 yaşlı futbolçu yeni başa çatan Türkiyə Super Liqasında mövsümü dəyərləndirib: "Karyeramın ən çətin iki ili: üç əməliyyat, səkkiz aylıq sağalma, çoxlu ağrılar, boşa çıxan enerji və emosiyalar var idi. Geri qayıtmaq, daha güclü olmaq üçün cəhdlər edildi, hər şey üçün Allaha şükürlər olsun. Çoxlu sevgi və hər kəsə təşəkkürlər".

Xatırladaq ki Şahruddin 2023-cü il sentyabrında Adana klubuna keçib və gələn il iyunun 30-dək müqaviləsi var.