"Səbail"dən ilk gediş

"Səbail"in müdafiəçisi Adil Nağıyev komandadan ayrılıb.

QOL.az xəbər verir ki, 29 yaşlı futbolçu bununla bağlı “İnstagram” hesabında paylaşım edib: “5 il formasını geyindiyim “Səbail”lə yolları ayırmaq qərarına gəldik. Üzərimdə əməyi olan hər kəsə təşəkkürümü bildirirəm. Baş məşqçi, rəhbərlik, komanda yoldaşlarım, hər bir azarkeşə minnətdaram. Hər şey üçün təşəkkürlər. Hər zaman qəlbimdə olacaqsınız. Bir gün görüşmək ümidi ilə”.

Xatırladaq ki, komandanın vitse-kapitanı olan Nağıyev 2019-cu ilin yayından "Səbail"də çıxış edirdi.