“Bratislava Reqatası"nda bürünc medal qazandıq

Slovakiyanın paytaxtı Bratislavada yeniyetmə və gənclər arasında keçirilən kayak və kanoe üzrə 37-ci beynəlxalq “Bratislava Reqatası”nda Azərbaycan idmançısı bürünc medal qazanıb.

Presssport.az Azərbaycan Kanoe və Avarçəkmə Federasiyasının mətbuat xidmətinə istinadən xəbər verir ki, idmançılarımızdan Paşa Əsgərov 5000 metr məsafəyə kanoe qayığında finiş xəttinə 3-cü çatıb.

Amil Ramazanov 200 metr məsafəyə kayak yürüşlərdə uğurlu çıxış edərək A finalına yüksəlib. Lakin o, yekun nəticədə ümumi yarış iştirakçıları arasında 8-ci sırada qərarlaşıb.

Onu da bildirək ki, ümumilikdə komandamız reqatada 6 nəfərlik heyətlə təmsil olunub.