"Qəbələ"nin məşqçisinə və futbolçusunu təhqir edən klub rəsmisinə 5 oyun cəza

AFFA U-15 Liqasında çıxış edən "Qəbələ" nin məşqçisi Şəhruz Mustafayev daha 5 oyun cəzalandırılıb.

Presssport.az xəbər verir ki, bu barədə AFFA İntizam Komitəsi qərar çıxarıb.

Belə ki, 49 yaşlı mütəxəssis səfərdə "Sumqayıt"a qarşı oyun vaxtı hakimlərin ünvanına qeyri-etik ifadələr işlətdiyi üçün bu halla üzləşib.

Komitə mayın 24-də də Mustafayevi 5 matçlıq cəzalandırmışdı. Məşqçi evdə eyni komanda ilə görüşün 72-ci dəqiqəsində hakimləri təhqir etmişdi.

Bundan əlavə, U-14 Liqasında mübarizə aparan “Astara”nın rəsmisi Qəhrəman Mirzəyev öz futbolçusu Yusif Qurbanovu təhqir etdiyinə görə qırmızı vərəqə ilə texniki zonadan kənarlaşdırılıb və 5 oyunluq cəza alıb.