İlk pley-off matçını Vüqar Nadirovun komandası qazandı

II Liqanı 13-cü sırada başa vuran "Şəfa" AFFA Region Liqasının finalçısı "Hypers" klubu ilə üz-üzə gəlib.

Presssport.az xəbər verir ki, 2024/25 mövsümündə II Liqada mübarizə aparmaq uğrunda pley-off mərhələsinin ilk görüşü "ASCO Arena"da baş tutub.

Qarşılaşma Vüqar Nadirovun baş məşqçisi olduğu “Hypers”in 2:0 hesabı ilə qələbəsi ilə yekunlaşıb.

Tərəflər arasında cavab görüşü iyunun 5-də həmin stadionda gerçəkləşəcək.

İki oyunun nəticəsinə əsasən qələbə qazanan tərəf növbəti mövsüm II Liqada çıxış etmək hüququ qazanacaq.