“Turan Tovuz” son mövsümdə ev oyunlarına ən çox azarkeş gələn komanda olub

Misli Premyer Liqasının 2023/24 mövsümündə “Turan Tovuz” ev oyunlarına ən çox azarkeş gələn komanda olub.

Presssport.az xəbər verir ki, Qərb təmsilçisinin 18 ev matçını 73900 tərəfdar tribunadan izləyib.

Komandanın hər ev görüşündə orta hesabla 4106 tamaşaçı olub.

Onu da bildirək ki, “Turan Tovuz” ötən mövsümdə də 63300 tamaşaçı (orta göstərici 3517) sayı ilə ən yaxşı göstəriciyə malik olub.