"Hədəfimiz Azərbaycan millisini səfərdə də məğlub etməkdi"

Qadın futbolçulardan ibarət Türkiyə milli komandasının baş məşqçisi Necla Güngör Kıraqası 

Avropa çempionatının seçmə mərhələsi çərçivəsində evdə Azərbaycan yığmasına 1:0 hesabıyla qalib gəldikləri matçı şərh edib.

Presssport.az xəbər verir ki, adıçəkilən mütəxəssis keyfiyyətin sayəsində qələbə qazandıqlarını açıqlayıb: "İlk hədəfimiz evdəki matçda qələbə qazanmaq idi. Bunu bacardıq. İndi ikinci hədəfimiz Azərbaycanı səfərdə də məğlub etməkdi. Əsas məqsədimiz isə pley-offa yüksəlməkdi. Rəqibimizin oyuna sərt başlayacağını və müdafiə olunacağını bilirdik. Buna görə də tələsmədik. Matçın sonlarında keyfiyyətimizi ortaya qoyaraq lazım olan nəticəni əldə etdik".

Xatırladaq ki, Azərbaycan - Türkiyə görüşü iyunun 4-də “Liv Bona Dea Arena”da keçiriləcək.