"Səbail" "Şamaxı"ya qaytardı - bəs, "Şamaxı" saxlayacaq?

“Səbail”da daha bir ayrılıq baş tutub.

Presssport.az klubun mətbuat xidmətinə istinadən xəbər verir ki, yarımmüdafiəçi Bahadur Həziyevlə bağlı “Şamaxı”yla imzalanmış icarə müqaviləsinin müddəti başa çatıb. 

“Dənizçilər” futbolçuya xidmətlərinə görə təşəkkür edir, gələcək karyerasında uğurlar arzulayır. 

Bu yerdə bildirək ki, “Şamaxı” I Liqaya düşəndə Bahaduru icarəyə vermişdi və 1 illik fasilədən sonra Premyer Lİqaya dönüb. 

Xatırladaq ki, Bakı təmsilçisi bunadək Ağabala Ramazanov, Adil Nağıyev, Səlahət Ağayev və Vüqar Həsənliylə yolları ayırdığını, Yusif Nəbiyev, Hüseynəli Quliyev, Samir Abdullayev, Rüfət Abdullazadə, Süleyman Əhmədov, Cabir Əmirliylə müqaviləni yenilədiyini, Fərid Nəbiyevi isə transfer etdiyini rəsmən açıqlayıb.