Azərbaycanda çövkən üzrə dünya çempionatının ilk günündə qaliblər qələbəni 5 qolla qazandı

Bu gun Binə Atçılıq Mərkəzində atçılıq idmanının ən populyar növü olan çövkən üzrə ilk dünya çempionatına start verilib.

Presssport.az xəbər verir ki, mundiala Azərbaycan -Qazaxıstan matcıyla start verilib. 

Açılış oyunu millimizin 5:0 hesablı qələbəsi ilə başa çatıb. Kapitanımız Elçin Camallı görüşdı dubla imza atıb.

Bu gün eyni məkanda daha 3 oyun keçirilib. Nəticələr aşağıdakılardı: 

Mərakeş - Küveyt - 5:0

Nigeriya - Almaniya - 5:0

Türkiyə - Malta - 5:1

Onu da bildirək ki, mundial iştirakçıları 2 qrupda mübarizəyə başlayıb.

A qrupunda Azərbaycan, Qazaxıstan, Türkiyə, Malta, Özbəkistan, B qrupunda Mərakeş, Küveyt, Nigeriya, Almaniya, Polşa yığmaları yer alıb.

Mundiala iyunun 16-da 3-cü yer uğrunda oyin və final matçı ilə yekun vurulacaq.

Qaydalara görə qalibiyyətə görə komandaya 3, heç-heçəyə görə 1 xal verilir. Oyunlar hərəsi 15 dəqiqə olmaqla iki hissədən ibarətdi. Hissələr arasında 10 dəqiqə fasilə olur. Komandaların meydana çıxan heyəti 4 nəfərdən ibarət olur (iki hücumçu, bir yarımmüdafiəçi və bir müdafiəçi).