"Qarabağ" həqiqətən Kadi üçün təklif göndərib" - futbolçunun agenti

"Qarabağ" sabiq futbolçusu Kadi Borgesin transferi üçün Rusiyanın "Krasnodar" klubuna təklif göndərib.

Presssport.az xəbər verir ki, bu barədə brazilliyalı yarımmüdafiəçinin agenti Helsio Alisk Rusiya mətbuatına açıqlama verib.

O, Azərbaycan çempionunun müştərisi üçün təklif göndərdiyini təsdiqləyib: "Qarabağ" həqiqətən Kadi üçün təklif göndərib. Amma bundan artıq heç nə deyə bilmərəm. "Krasnodar"ın qərarını gözləyirik".

Xatırladaq ki, Borges 1,5 il formasını geyindiyi “Qarabağ”dan 2023-ün qışında "Krasnodar"a keçib. Onun Rusiya Premyer Liqa təmsilçisiylə hələ 2 illik müqaviləsi var.