Paris-2024: İdmançımızdan qələbəylə start

Bu gün Parisdə 2024-cü il Olimpiadasında badminton üzrə növbəti görüşlər keçirilir.

Presssport.az xəbər verir ki, kişilərin fərdi yarışında Edi Reski Dviçayo (Azərbaycan) ilk qrup matçında Kollins-Valentin Filimon (Avstriya) ilə üz-üzə gəlib. 

Təmsilçimiz rəqibini 2:0 (21:18, 21:11) hesabı ilə məğlub edib.

Dviçayo iyulun 31-də Eddi Anders Antonsenlə (Danimarka) qarşılaşacaq. Qarşılaşma Bakı vaxtilə saat 18:30-da başlayacaq. Təmsilçimiz bu görüşdə qalib gələcəyi halda qrup lideri kimi növbəti mərhələyə adlayacaq.

Xatırladaq ki, qadın badmintoçumuz Keişa Fatimə Zəhra hər 2 görüşündə uduzaraq qrupda qalıb və turnirlə vidalaşıb.