"Zirə" xorvatlara rəqib oldu

Konfrans Liqasının ıı təsnifat mərhələsində Slovakiya təmsilçisi “DAc 1904”ü mübarizədən kənarlaşdıran “Zirə”nin növbəti rəqibi bəlli olub.

Presssport.az xəbər verir ki, Rəşad Sadıqovun komandası III təsnifat mərhələsində Xorvatiyanın “Osiyek” klubu ilə qarşılaşacaq. 

“Osiyek” II təsnifat mərhələsində “Levadiya”nı (Estoniya) mübarizədən kənarlaşdırıb. Xorvatiya təmsilçisi öz meydanında 5:1, səfərdəki cavab görüşündə isə 1:0 hesablı (ümumi nəticədə 6:1) qələbə qazanıb.

Təmsilçimiz “Osiyek”lə ilk görüşünü avqustun 8-də səfərdə keçirəcək, bundan 1 həftə sonra isə rəqibini Mərdəkanda qəbul edəcək. 

Onu da bildirək ki, Osiyekin eyniadlı təmsilçisi ötən mövsüm ölkə çempionatını 57 xalla 4-cü pillədə başa vurub.