Musa Qurbanlı nı vaxt yaşıl meydana dönəcək? - AÇIQLAMA

"Qarabağ"ın baş məşqçisi Qurban Qurbanov əməliyyat olunan Musa Qurbanlının son durumu haqda danışıb.

Presssport.az xəbər verir ki, təcrübəli mütəxəssis menisk əməliyyatının bir aylıq proses olduğunu vurğulayıb: “Sonra bərpa prosesi gedir. Çox da ciddi zədə deyil. Musa artıq fərdi məşqlərə başlayıb. Üç gündür artıq məşq edir. Bir həftəyə komanda ilə məşqlərə başlayacaq. Bir aydan sonra lazım olan halda meydana çıxa bilər”.

Xatırladaq ki, 21 yaşlı Qurbanlı Ağdam klubina qayıdandan sonra hələ rəsmi matçda meydana çıxmayaraq Avstriya toplanışında zədələnib.