Qara Qarayev "Neftçi-2"də kapitan oldu, 6 qol vuruldu

Əvəzedicilər liqasında IV turun oyunları keçirilir.

Presssport.az xəbər verir ki, daha 2 oyun baş tutub.

“Qarabağ-2” “Turan Tovuz-2”yə evdə böyük hesabla uduzub. 

“Araz-Naxçıvan-2” – “Neftçi-2” oyununda isə meydan sahibləri son saniyələrdə penaltidən məğlubiyyətdən xilas olaraq məhsuldar heç-heçə qeydə alınıb. Əvəzedici heyətə göndərilən millimizin sabiq futbolçusu Qara Qarayevin “ağ-qaralar”ı kapitan sarğısıyla meydana çıxarması bu matçda əsas diqqətçəkən məqamlardan olub. 
25 avqust

“Qarabağ-2” – “Turan Tovuz-2” - 0:3
Qollar: Arzu Mədətov, 29. Elçin Qasımov, 47; 57.
Hakimlər: Əli Əliyev, Rəhman İmami, Müslüm Əliyev, İslam Məmmədov.

“Araz-Naxçıvan-2” – “Neftçi-2” - 3:3
Qollar: Elcan Məmmədov, 56; 75. Turan Vəlizadə, 90+4-pen – Fərhad Fərhadlı, 21; 45+1. Həbib İsmayılov, 81.
Hakimlər: Əkbər Əhmədov, Vüqar Bayramov, Gülnurə Əkbərzadə, Rövşən Rəcəbov.