"Qarabağ"ın rəqibi məşhur futbolçunu transfer etdi

"Qarabağ"ın UEFA Avropa Liqasındakı rəqiblərindən olan “Olimpiakos” məşhur futbolçu Villianı heyətinə cəlb edib.

Presssport.az xəbər verir ki, bu barədə Yunanıstan klubunun mətbuat xidməti məlumat yayıb. 36 yaşlı yarımmüdafiəçi ilə 1 illik müqavilə imzalanıb.

Daha əvvəl "Çelsi", "Arsenal", "Anji", "Şaxtyor" (Donetsk), "Korintians"da çıxış edən Braziliya millisinin sabiq üzvünün son klubu "Fulhem" olub.  

Xatırladaq ki, "Qarabağ" "Olimpiakos"la 2025-ci il yanvarın 30-da səfərdə qarşılaşacaq.