Çempionlar Liqası: Minifutbol çempionumuz finalda

Polşanın paytaxtı Varşavada minifutbol üzrə Çempionlar Liqası keçirilir.

Presssport.az xəbər verir ki, Azərbaycan çempionu “Birbaşa Bakı” finalda oynayacaq.

Təmsilçimiz yarımfinalda “Andezit Xust”i penaltilərlə 4:3 məğlub edərək finala vəsiqə qazanıb. Həlledici görüşdə isə çempionumuzun rəqibi Çexiyanın “Brno” klubu olacaq. 

Bu gün olacaq görüş Bakı vaxtilə saat 19:00-da başlayacaq. Xatırladaq ki, komandalar qrup mərhələsində üz-üzə gəlib və matç 1:1 hesabı ilə başa çatıb.