Voleybolçularımız Ermənistan komandasını məğlub edib

Azərbaycanın çimərlik voleybolçuları Ermənistan təmsilçilərini məğlub edib.

Presssport.az xəbər verir ki, Gürcüstanın paytaxtı Tiflisdə təşkil olunan çimərlik voleybolu üzrə Şərqi Avropa Voleybol Zonal Assosiasiyasının (EEVZA) çempionatında iştirak edən kişilərdən ibarət komandamız bu gün ilk oyununu keçirib.

Komandamızın rəqibi Ermənistan təmsilçisi olub.

Heydər Məmmədli/Nəriman Bayramlı cütü hər iki hissəni üstün başa vuraraq 2:0 (21:15, 21:13) hesabı ilə qalib gəlib.